واحد کلام “ 2014 میں اردو صحافت کے افق پرہفت روزہ کی شکل میں نمودارہوا۔روز اول سے ہی اس اخبارکو غیرجانبداری، بیباکی، بیداری، حق پرستی اور انصاف ومساوات کی علمبرداری کا شرف حاصل ہوا۔ موقع پرستی اور زرد صحافت کے دائرہ میں خود کو سمیٹنے اورکسی مخصوص جماعت کی ترجمانی کے بجائے ” واحد کلام “ نے ہر شعبہ میں ، ہر طبقہ ، ہر مکتب فکر اور تمام سیاسی پارٹیوں اور سیاسی لیڈران کے لئے بھی یکساں طور پر اپنے دامن کو وسیع رکھا ۔ اردو صحافت کے معیار اور وقار کو بلند کرنے میں اب تک یہ اخبار پوری طرح کامیاب رہا ہے ۔ واحد کلام صرف خبروں اور تجزیے تبصروں تک ہی محدود نہیں ہے بلکہ خبروں کی بروقت ترسیل کے ساتھ ساتھ خبروں کے اندر پوشیدہ اصل مقاصد اور سازشوں سے بھی قارئین کو آگاہ کرتا ہے ۔ واحد کلام ایک ایسا مکمل ہفت روزہ اخبار ہے جس میں میونسپل کارپوریشن ، ضلع پریشد، کلکٹر آفس، وقف بورڈ ، ڈیویژنل کمشنر آفس کے علاوہ سبھی سرکاری محکمہ جات کی خبروں ، کاروائیوں اور اقدامات کو دیانتداری کے ساتھ قارئین تک پہنچاتا ہے ۔ ہر اچھے کام اور اچھاکام کرنے والے شخص و جماعت کی ستائش اور غلط فیصلہ و غلط قدم پر تنقید کرکے واحدکلام صحافتی فریضہ کو انجام دیتاہے ۔اخبار کی شروعات میں ہی دسویں اور بارہویں بورڈ امتحانات میں نمایاں کامیابی حاصل کرنے والے قوم و ملت کے نوجوانوں کی حوصلہ افزائی کے لئے ” روشن ستارے “ عنوان کے تحت اسنادات اور ٹرافی تقسیم کے علاوہ دینی علوم کو فروغ دینے سیرت کوئز کی معرفت مقابلہ کے شرکاءمیں اسنادات و قابل ذکر انعامات کی تقسیم جیسی اہم تقاریب بھی واحد کلام کی خاصیت رہی۔ جس عزم اور مقصد کو لے کر واحد کلام نے صحافتی سفر کا آغاز کیا تھا، وہی عزم آج بھی برقرار ہے اور مستقبل میں بھی بنیادی مقصد اور عزم کی تکمیل میں ذرہ بھر بھی تبدیلی نہ آنے دینے کا دعوی کرتا ہے ۔ صحافتی اصولوں اور قوانین کی پاسداری کرتے ہوئے واحد کلام اسی طرح خبروں کی ترسیل، تجزیے ،تبصرے اور قارئین کی ذہن سازی کا فریضہ انجام دیتا رہے گا۔ واحد کلام کے تحت کوئز کامپیٹیشن ، میڈیکل کیمپ اور تعلیمی و سماجی انقلاب کی غرض سے متعدد تقاریب کا انعقاد بھی کیاجاتا رہا ، یہ واحد کلام کا طرہ امتیاز ہے ۔ حق گوئی اور بیباکی واحد کلام کا وصف تھا ، ہے اور مستقبل میں بھی رہے گا۔ حق و انصاف ہی واحد کلام کی روح ہے ۔